Əmək və Əhalinin Sosial Müdafiəsi Nazirliyiin tabeliyində Dövlət Tibbi-Sosial Ekspertiza və Reabilitasiya Agentliyinin reabilitasiya mərkəzlərində əlilliyi olan şəxslərin yaxın qohumlarına psixoloji dəstək layihəsi davam edir.

Aztibb.az xəbər verir ki, layihənin əsas məqsədi sağlamlıq imkanları məhdud vətəndaşların yaxınlarına psixoloji yardım göstərmək, ümumilkdə, reabilitasiya xidmətlərinin keyfiyyətini yüksəltməkdir.

Psixoloji dəstək tədbirləri çərçivəsində Şağan Reabilitasiya Pansionatında I dərəcə əlilliyi olan şəxslərin qəyyumlarına peşəkar psixoloqlar tərəfindən “Tükənmişlik sindromu və sindromun aradan qaldırılma yolları” haqqında təlim keçirilib.

Təlimdə tükənmişlik sindromunun əlamətlərindən, profilaktik tədbirlərdən, mübarizə və reaksiya üsullarından danışılıb.