Dövlət Tibbi-Sosial Ekspertiza və Reabilitasiya Agentliyinin reabilitasiya mərkəzlərində əlilliyi olan şəxslərin yaxın qohumlarına psixoloji dəstək layihəsi davam edir. Layihə çərçivəsində sağlamlıq imkanları məhdud uşaqların valideynləri və əlilliyi olan şəxslərin yaxın qohumları üçün maarifləndirici və psixoloji təlimlər keçirilir.

 

Aztibb.az xəbər verir ki, noyabrın 27-də saat 15:00-da reabilitasiya mərkəzlərinin psixoloqları ilə əlilliyi olan şəxslərin yaxın qohumlarının onlayn görüşü keçiriləcək. Peşəkar psixoloqlar tərəfindən xəstəliklə bağlı əlilliyi olan şəxslərin psixoloji durumunun xüsusiyyətləri, reabilitasiyaya kompleks yanaşmanın zəruriliyi haqqında məlumat veriləcək, həmçinin iştirakçıların sualları cavablandırılacaq.

 

Onlayn görüş "Zoom" platforması üzərindən həyata keçiriləcək. Əlilliyi olan şəxslərin qohumları  Agentliyin rəsmi "Facebook" səhifəsinin şərh bölməsinə və ya inboxuna "+" yazmaqla görüşə qatıla bilərlər.