Uzman beyin cərrahı, hərbi həkim, ehtiyatda olan tibb xidməti mayoru Azər Əkbərov bu gün 42 yaşında onkoloji xəstəlikdən dünyasını dəyişib.

Aztibb.az xəbər verir ki, neyrocərrah Azər Əkbərov 2002-ci ildə Azərbaycan Tibb Universitetinin Hərbi Tibb fakültəsini bitirmişdi və orduda hərbi həkim kimi fəaliyyətə başlamışdı. O, 2005-ci ildə Mərkəzi Hərbi Klinik Hospitalında Ümumi cərrahiyyə üzrə ixtisas keçmişdi. 2009-cu ilədək Müdafiə Nazirliyinin Hərbi Hospitallarında ümumi cərrah kimi fəaliyyət göstərmişdi. 2015-ci ildən Respublika Diaqnostika Mərkəzində həkim-neyrocərrah vəzifəsində çalışırdı.

2009-2014-cü illərdə Türkiyənin Ankara şəhərində Gülhanə Hərbi Tibb Akademiyasında beyin və sinir cərrahiyyəsi üzrə (Neyrocərrahiyyə) Uzman Neyrocərrah dərəcəsini almışdı. Aprel döyüşlərində orduya xidmət edən Azər Əkbərov etdiyi əməliyyatlarla bir çox əsgəri şəhid və əlil olmaqdan xilas etmişdi.

Allah rəhmət eləsin!