Sağlamlıq Strategiyası Təlim Mərkəzi və Diyetologiya Nutrisiologiya Akademiyası tərəfindən həkimlər və təbabət yenilikləri ilə maraqlananlar üçün “Tibbi genetika və müasir imkanlar” adlı vebinar keçirilib.
Aztibb.az xəbər verir ki, vebinarda təbabətin ən aktual sahələrindən biri olan tibbi genetikanın müasir imkanları, Azərbaycanda rast gəlinən irsi xəstəliklər, onların laborator diaqnostikası, müalicəsi və profilaktikası məsələləri müzakirə olunub, son zamanlar müasir genetika elminin çox sürətlə inkişaf edən nutrigenetika və nutrigenomika istiqamətləri haqqında ətraflı məlumat verilib.
Əziz Əliyev adına Azərbaycan Dövlət Həkimləri Təkmilləşdirmə İnstitutunun kliniki laborator diaqnostika kafedrasının dosenti Könül Kərimovanın moderatorluğu ilə keçən vebinarda həkim-genetik, biologiya elmləri doktoru Elxan Rəsulov və həkim diyetoloq Emil Hidayətli çıxış ediblər.
