5-9 mart 2022-ci ildə Maldivdə “XXI Dünya Gəncləri Forumu” keçiriləcək.

Qan donorluğu mövzusunu əhatə edən forumda dünyanın müxtəlif ölkələrindən qan donorları assosiasiyaları, qan bankları, könüllü donorlar və səhiyyə təşkilatları təmsil olunacaq.

 

Bu barədə Aztibb.az-a “Qan Donorları Assosiasiyası” İctimai Birliyinin sədri Fuad Əsgərov məlumat verib. 

 

F.Əsgərov bildirib ki, forumun məqsədi qan donorluğu problemlərini müzakirə etmək və təcrübə mübadiləsi aparmaqdır.

 

“XXI Dünya Gəncləri Forumu”na böyük heyətlə qatılmaq istəyirik. Çünki çox ciddi hədəfimiz var. Forumda ölkəmizi layiqincə təmsil edib növbəti il üçün ev sahibliyi etmək arzusunda olduğumuzu bildirəcəyik. Hədəfimiz forumu qazanıb 2023-cü ildə Şuşada keçirməkdir. Bizim maddi bazamız demək olar ki, yoxdur və səfərdə iştirak üçün bir çox dövlət qrumlarına müraciət etməyi planlamışıq. Gənclərimizi dünya forumuna göndərmək üçün səfər qrantına və ezamiyyə xərcinə ehtiyacımız var. Ümüd edirəm bizə biganə və ögey münasibət bəslənməyəcək. Nəzərə almalıyıq ki, qan donorluğunun inkişafı genefondumuzun qorunmasına xidmət edir", - deyə F.Əsgərov vurğulayıb.