Əhaliyə göstərilən tibbi xidmət üzrə keyfiyyətin yüksəldilməsi və səmərəli iş fəaliyyətinin təşkili məqsədilə “Kliniki Tibbi Mərkəz” publik hüquqi şəxsdə Təlim-İnkişaf bölməsi yaradılıb.

 

Aztibb.az xəbər verir ki, Təlim-İnkişaf bölməsinin (TİB) yaradılmasında əsas məqsəd Kliniki Tibbi Mərkəzin strategiyasına və struktur dəyişikliyinə uyğun olaraq, yeni tələblərin icrasının asanlaşdırılması, işçilərin peşəkarlığının artırılması, korporativ mədəniyyətin inkişaf etdirilməsi, əlverişli psixoloji iqlimin formalaşdırılması, heyətin dil biliklərinin artırılması və digər sahələrdə təlim-tədris proqramlarının təşkilinin həyata keçirilməsidir.

 

TİB Azərbaycanda və ölkə xaricində böyük nüfuzə malik, tanınmış tibb mütəxəssislərini, uzman doktorları, həmçinin tibb sahəsində tədris fəaliyyəti göstərən müəssisələrin aparıcı tibb mütəxəssislərini həyata keçirəcəyi təlim və tədris proqramlarına cəlb edəcək.

 

Bununla yanaşı, Kliniki Tibbi Mərkəzdə müasir tibb sahəsi ilə əlaqəli olan bütün təlim-tədris proqramlarının təhlili, ümumiləşdirilməsi və təkmilləşdirilməsi də yeni yaradılan bölməyə həvalə edilir.

 

Təlim-İnkişaf bölməsi tibb işçilərinin regional və beynəlxalq tibbi təhsil tədbirlərində iştirakını da təmin edəcək.