Səhiyyə Nazirliyi İctimai Səhiyyə və İslahatlar Mərkəzi (İSİM) və Təhsil Nazirliyin birgə əməkdaşlığı ilə 177 nömrəli tam orta məktəbdə şagird və müəllimlərin iştirakı ilə “Zərərli vərdişlərin mənfi təsirləri” mövzusunda maarifləndirici tədbir keçirilib.

 

Aztibb.az xəbər verir ki, tədbirdə İSİM-in Layihələrin əlaqələndirilməsi şöbəsinin müdir müavini Ülkər Camalova geniş təqdimatla çıxış edib. O, zərərli vərdişlərin gənclərin sağlamlığına, inkişafına təhlükəli təsir göstərdiyini vurğulayaraq bildirib ki, tütünçəkmə, alkoqollu içkilər və narkotik maddələrdən istifadə qısa zamanda fiziki və psixi asılılıq yaradır. Zərərli vərdişlərin sağlamlığa mənfi təsir göstərdiyini deyən ekspert məktəbliləri sağlam həyat tərzi seçməyə, sağlamlıqlarına məsuliyyətlə yanaşmağa çağırıb.