Noyabrın 14-də pomidor turşusundan zəhərlənmə ilə “Kliniki Tibbi Mərkəz”ə gətirilən 2011-ci il təvəllüdlü Aytac Ricay qızı Mirzəyeva Ə.F.Qarayev adına 2 saylı Kliniki Uşaq Xəstəxanasına köçürülüb.

 

Aztibb.az xəbər verir ki, hazırda reanimasiyada olan A.Mirzəyeva süni nəfəs aparatına qoşulub və vəziyyəti ağır-stabildir.

 

Xatırladaq ki, turşudan zəhərlənən Füzuli rayon sakinləri Ricay Mirzəyev (ata) və Aytac Mirzəyeva (qız) noyabrın 12-də rayonun mərkəzi xəstəxanasına yerləşdirildikdən sonra, vəziyyətləri ağırlaşdığı üçün Bakıya gətirilmişdi. “Kliniki Tibbi Mərkəz”ə yerləşdirilən xəstələrdən biri - ata Ricay Mirzəyevin həyatını xilas etmək mümkün olmamışdı.