Azərbaycan Milli Kitabxanasının əməkdaşları tərəfindən Beynəlxalq Gözdən Əlillər Günü münasibətlə virtual sərgi hazırlanıb.
Kitabxanadan bildirilib ki, “13 Noyabr – Beynəlxalq Gözdən Əlillər Günü” adlı virtual sərgidə mövzu ilə əlaqədar kitab və məqalələr nümayiş olunur.
Sərgi ilə tanış olmaq istəyənlər http://anl.az/el/vsb/Beynelxalq_Gozden_Eliller_Gunu_13_noyabr/index.htm linkindən istifadə edə bilərlər.
Qeyd edək ki, 13 Noyabr – Beynəlxalq Gözdən Əlillər Günüdür. Həmin tarix ilk tiflopedaqoqlardan biri, görməyənlər üçün relyefli əlifbanın müəllifi, gözdən əlillər üçün ilk təhsil müəssisələrinin yaradıcısı, məşhur fransalı xeyriyyəçi Valentin Qayuinin doğum gününə təsadüf edir.
Ümumdünya Səhiyyə Təşkilatı onun doğum tarixini Beynəlxalq Gözdən Əlillər Günü kimi elan edib.
