Mərkəzi Gömrük Hospitalının Qan bankı şöbəsinin rəisi, hematoloq Gülnar Xəlilova 3-7 noyabr 2021-ci il tarixlərində Türkiyənin Antalya şəhərində keçirilən “XIV Milli Qan Mərkəzləri və Transfuziya Təbabəti” Konqresinin əsas kurs proqramında iştirak edib. Təlim kursunda müxtəlif məruzəçilər tərəfindən bu mövzuda çıxışlar edilib.

Aztibb.az xəbər verir ki, konqresdə dünyada qan bankçılığı və transfuzioloji tibb sahəsində bilik və təcrübələr paylaşılıb, fikir mübadiləsi aparılıb, bu sahədəki yeniliklər və əldə edilən son nailiyyətlər haqqında məlumatlar diqqətə çatdırılıb. Qeyd olunub ki, irsi qan xəstəliyi olan xəstələrin, həmçinin, cərrahi əməliyyatların sayının artması qan və onun komponentlərinə olan tələbatı da artırır.

Pandemiya dövründə qana ehtiyacı olan bu şəxslərin qan ilə təmin edilməsi və donor seçiminə diqqət edilməsi ön plana keçir. Belə ki, COVID-19 pandemiyası ilə əlaqədar olaraq bütün dünyada olduğu kimi, ölkəmizdə də qan banklarının işi köklü surətdə dəyişmişdir. Onların fəaliyyəti ilk növbədə koronavirus xəstələrinin müalicəsinə yönəlmişdir.

Kurs proqramının sonunda Dr.Gülnar Xəlilovaya sertifikat təqdim edilib.