Yaponiyanın şimal-şərqində cari qış fəslində kütləvi şəkildə ilk quş qripinin yayılması qeydə alınıb.

Bu barədə Yaponiya Kənd təsərrüfatı, Meşəçilik və Balıqçılıq Nazirliyi məlumat yayıb. Bildirilir ki, nəticədə Akita prefekturasının Yokota şəhərində yerləşən fermada 143 min quşun məhv edilməsi qərara alınıb.

“Yaponiyada mövcud şəraitdə quş qripinin toyuq əti və ya yumurtadan istifadə yolu ilə insanlara ötürülməsinin mümkün olmadığını düşünürük”, - deyə nazirliyin saytında bildirilir.