Rusiya alimləri müəyyən ediblər ki, bəzi təbii alkaloidlər, xüsusən də qara bibərin tərkibindəki piperin, COVID-19-un hüceyrələrə yoluxmasına maneə törədir.
Aztibb.az "RİA Novosti"yə istinadən məlumatına görə, Sankt-Peterburq alimləri hazırda insan hüceyrələrinin lipid membranlarını və koronavirusun birləşməsinə maneə törədə bilən maddələri öyrənirlər.
Tədqiqatçılar müəyyən ediblər ki, piperin virusun lipid örtüyünün xüsusiyyətlərini dəyişib. Nəticədə virus hüceyrələrə nüfuz etmir və bununla da onun yayılması dayandırılır.
Piperin (C17H19NO3) COVID-19-un qarşısının alınması və müalicəsi üçün effektiv pəhriz əlavələrinin yaradılması üçün əsas alkaloid ola bilər.
"Ən təsirli birləşmə - piperin qara bibərin tərkibindədir. Bu çoxdan məlumdur və müxtəlif tibbi məqsədlər üçün bioaktiv əlavələrdə istifadə olunur", - Rusiya Elmlər Akademiyasının baş elmi işçisi Olqa Ostroumova bildirib.
