Amerikanın “Pfizer” şirkəti COVID-19-un müalicəsi üçün istehsal etdiyi antivirus preparatının klinik sınaqların ikinci mərhələsinin nəticələrinə əsasən xəstəxanaya yerləşdirmə və ya ölüm riskini 89 faiz azaltdığını bildirib.

Aztibb.az xəbər verir ki, bu barədə əczaçılıq şirkətinin internet saytına istinadla xəbər verir.

Tədqiqatlarda xəstəliyin əlverişsiz ssenaridə inkişaf edə biləcəyi COVID-19 olan 1,2 min xəstə iştirak edib.

“Pfizer” şirkəti, aparılan tədqiqat barədə məlumatları ABŞ Qida Məhsulları və Dərmanların Keyfiyyətinə Sanitar Nəzarət İdarəsinə təqdim edərək yeni preparatının təcili istifadə edilməsi üçün icazə almaq istəyini ifadə edib.

Öz növbəsində “Reuters” agentliyi qeyd edir ki, yeni preparatla müalicə kursu gündə iki dəfə qəbul edilən üç həbdən ibarət olacaq.


Agentliyin məlumatına görə, “Pfizer” şirkəti ilin sonuna kimi 180 min dozadan çox belə preparat istehsal etmək niyyətindədir, gələn il isə dozaların sayının 50 milyona çatdırılması planlaşdırılır.


Bundan əvvəl şirkət tədqiqatların birinci mərhələsinin preparatın yaxşı qəbul edildiyini və təhlükəsiz olduğunu göstərdiyini bildirib. Onların qiymətləndirmələrinə görə, yeni preparat potensial olaraq koronavirusun ilk simptomları görünən zaman və ya yoluxmuş şəxslə təmasdan sonra xəstəxanaya yerləşdirməyə ehtiyac olmadan qəbul edilə bilər.