Gecə növbəsində işləyənlər üçün "canlandırıcı sxem"in effektivliyi sübut olunub.

Aztibb.az Meddaily.ru-ya istinadən xəbər verir ki, bir çox insan uzun müddət yuxusuz qalmaq üçün qəhvə içir. Ancaq mütəxəssislər bildirir ki, oyaq qalmaq üçün qəhvə içənlərin çoxu diqqətini cəmləşdirməkdə çətinlik çəkir, əhval-ruhiyyəsi pis olur. Və bu hal yuxudan oyanan şəxsdə minimum bir saata qədər davam edir. Yəni bir adam oyandıqdan dərhal sonra qəhvə içərsə, ancaq 20-30 dəqiqədən sonra tamamən ayılacaq və əhval-ruhiyyəsi düzələcək. Ona görə də alimlər qısa müddətlik (20-30 dəqiqə) yuxulamadan öncə qəhvə içməyi məsləhət görür. Mütəxəssislərin fikrincə, bu zaman insan oyanan kimi kafein də işə başlayacaq.

Cənubi Avstraliya Universitetinin alimlərinin apardığı bir araşdırmada könüllülər 03:30-dan əvvəl 200 milliqram kofein (1-2 standart fincan qəhvə) içiblər və sonra 30 dəqiqəlik yatıblar. Oyanandan sonra könüllülərin vəziyyəti (işi yerinə yetirmək və diqqətli olmaq qabiliyyəti) qiymətləndirilib və nəticə etibarı ilə bu üsulun effektiv olduğu müəyyən edilib.