ATU tələbələri qəhrəman qazilərimizlə görüşüblər - FOTO
05.11.2021 11:01
Azərbaycan Respublikası Gənclər Fondunun dəstəyi, Azərbaycan Tələbə Gənclər Təşkilatları İttifaqı və “Böyük Qayıdış” Gənclər İctimai Təşkilatının birgə təşkilatçılığı ilə noyabrın 4-də “44 Günün Qəhrəmanları” layihəsi çərçivəsində tələbələrlə növbəti görüş keçirilib. Azərbaycan Tibb Universitetində (ATU) təşkil olunmuş görüşdə Dövlət Himni səsləndirildikdən sonra şəhidlərimizin əziz xatirəsi bir dəqiqəlik sükutla yad edilib.
Tədbiri açıq elan edən ATU-nun təbris və müalicə işləri üzrə prorektoru, professor Sabir Əliyev bildirib ki, xalqımız böyük qürur və sevinc hissi ilə şanlı qələbəmizin ildönümünü qeyd etməyə hazırlaşır: “Ötən ilin 27 sentyabrında başlayan və 10 noyabrda düşmənin təslim olması ilə başa çatan müharibəni çox haqlı olaraq Vətən müharibəsi adlandırırıq. Ümumiyyətlə, qəhrəman hərbçilərimizin 44 günlük yürüşünü bütün gözəl epitetlərlə bəzəsək, yenə də o fədakarlığın tam mənzərəsini ifadə edə bilməyəcəyik. Müzəffər Ali Baş Komandan İlham Əliyevin rəhbərliyi altında yenilməz Azərbaycan Ordusu təkcə tarix yazmadı, həm də yeni coğrafiya yaratdı. Çünki bizim 90-cı illərdə düşmənin hərbi təcavüzü nəticəsində itirdiyimiz doğma torpaqlarımız ilk dəfə idi ki, müstəqil dövlətimizin igid övladları tərəfindən qısa bir müddətdə geri alınırdı”.
Professor S.Əliyev Vətən müharibəsi dövründə istər ön, istərsə də arxa cəbhədə öz sözünü deyən Azərbaycan gəncliyinin hər şeyə qadir olduğunu vurğulayıb. Onun bildirdiyinə görə, insanlarda milli ruhun yüksəldilməsi və maarifləndirmə işlərinin aparılmasında, eləcə də informasiya müharibəsi və sosial şəbəkələr vasitəsilə ölkəmizin haqq səsinin dünyaya çatdırılmasında gənclər təşkilatları böyük rol oynayıb.
Daha sonra Gənclər Fondunun icraçı direktorunun müavini Qədir Xəlilov və “Böyük Qayıdış” Gənclər Təşkilatının idarə heyətinin üzvü, bir çox hərbi əməliyyatların və Aprel döyüşlərinin iştirakçısı, Qarabağ qazisi, Xüsusi Təyinatlı Qüvvələrin ehtiyatda olan baş leytenantı Əhliyət Mehdiyev Ali Baş Komandanın rəhbərliyi ilə qüdrətli və yenilməz ordumuzun 30 illik Vətən həsrətinə son qoymasından və bizi tarixi yurd yerlərimizə qovuşdurmasından fəxrlə danışıblar. Çıxışçılar Vətən müharibəsinin birinci ildönümünü yaşadığımız bu günlərdə belə silsilə tədbirlərin keçirilməsinin böyük önəm daşıdığına diqqəti çəkərək, Müzəffər Ali Baş Komandan İlham Əliyevin rəhbərliyi altında bizlərə tariximizin şanlı səhifəsi olan böyük Zəfəri yaşatmış Vətən müharibəsi qəhrəmanlarının tanıdılması və gənc nəslin onlardan nümunə götürməsinin vacibliyini xüsusi vurğulayıblar.
Sonra toplantı iştirakçıları “Böyük Qayıdış” Gənclər Təşkilatının icraçı direktorunun müşaviri Elşən Qəhrəmanovun təqdimatında https://shehidimiz.az saytı və “Azərbaycan Gəncliyi Vətən Müharibəsində” adlı jurnalın PDF versiyası ilə tanış olublar.
Tələbələr və gənclər arasında qəhrəman hərbçilərimizin, qazilərimizin tanıdılması məqsədilə həyata keçirilən görüşdə açılış nitqlərinin ardınca dövlətçilik tariximizə qızıl hərflərlə yazılmış Vətən müharibəsindəki zəfəri və xalqımızın sevincini əks etdirən videoçarx nümayiş olunub.
Tədbirdə qonaq olan Vətən müharibəsi qaziləri Hüseyn Mirzəyev, Elvin Mamedov və Elnur Əkbərov müharibənin insanlara gətirdiyi fəlakətlərdən bəhs edərək, acılı-şirinli xatirələrini bölüşüblər. Onlar Prezident İlham Əliyevin rəhbərliyi altında şanlı Azərbaycan Ordusunun yüksək peşəkarlıqla apardığı işğaldan azadetmə əməliyyatının dünya hərb tarixinə düşməsi ilə fəxr etdiklərini bildiriblər. Qazilər çıxışlarında bu günümüzün gənc nəslinin vətənpərvər yetişməsində mənsub olduqları xalqın, tərbiyə aldıqları valideyn və müəllimlərinin rolunu xüsusi qeyd edərək, bu kontekstdə Azərbaycan Tibb Universitetinin kollektivinə öz minnətdarlıqlarını çatdırıblar.
Çıxışlardan sonra qazilər tələbələrin suallarını cavablandırıblar. Görüşdə cəsur qəhrəmanlarımız bir daha bildiriblər ki, əldə olunan böyük uğurların ən başlıca səbəbi xalqın və xüsusilə də gənclərin dəmir yumruq kimi Müzəffər Ali Baş Komandan İlham Əliyevin ətrafında sıx birləşməsidir.
Tələbələr adından çıxış edən ATU-nun İctimai səhiyyə fakültəsinin II kurs tələbəsi Ləman Əhmədova igid döyüşçülərimizə təşəkkür edib. O, Vətən müharibəsi zamanı şanlı Ordumuz tərəfindən nümayiş etdirilən vətənpərvərlik və birlik nümunəsini, qazilərimizin qəhrəmanlıqlarını digər tələbələrə də çatdıracaqlarına söz verib.
Sonda universitetimizlə görüşə gəlmiş qazilərə rəhbərlik adından xüsusi hədiyyələr təqdim olunub və tədbir iştirakçıları qazilərlə birgə xatirə şəkli çəkdiriblər.
Məlumat üçün bildirək ki, bu layihə çərçivəsində paytaxt və regionlarda geniş tələbə auditoriyasına malik olan ali təhsil müəssisələrinin tələbələri ilə Vətən müharibəsində böyük hünər və şücaət göstərmiş qazilərimizin görüşləri mütəmadi olaraq davam etməkdədir.
Bu bölməyə aid digər xəbərlər
Abşeronda keçirilən qanvermə aksiyasında 100-dən çox donor könüllü olaraq qan verib
27.04.2024 | 15:06
Səhiyyə Nazirliyi akademik Zərifə Əliyevanın 101 illiyi münasibətilə fleşmob təşkil edib
27.04.2024 | 14:38
Avropa Pediatrları Assosiasiyasının XI Konqresində ilk dəfə Azərbaycan milli sessiyası keçirilib
27.04.2024 | 13:37
27 aprel - Beynəlxalq Baytar Həkimi Günüdür
27.04.2024 | 13:20
Akademik Zərifə Əliyevanın 101 illiyi münasibətilə aksiya: “101 ağac əkək”
27.04.2024 | 12:35
8 yaşlı uşaq üzərində icbari tibbi sığorta ilə qaraciyər transplantasiyası əməliyyatı həyata keçirilib
27.04.2024 | 10:35
Gənclərə zərərli vərdişlərdən uzaq olmaq tövsiyə edilib
27.04.2024 | 10:03
"İmmunizasiya həftəsi’’ çərçisində regionlarda maarifləndirmə tədbirləri davam etdirilir
27.04.2024 | 09:26
“Peyvəndlərlə əlaqədar doğru bildiyimiz yanlışlar” mövzusunda seminar keçirilib
27.04.2024 | 09:20
Daha bir həkim Şirvan Şəhər Mərkəzi Xəstəxanasında işə başladı
26.04.2024 | 13:49
ÇOX OXUNANLAR
Gənc həkim Samux Rayon Mərkəzi Xəstəxanasında işə başlayıb
18.04.2024 | 13:04
Autizmdən əziyyət çəkən uşaqlar üçün təmənnasız müayinə və müalicə prosedurları həyata keçirilir - AKSİYA
19.04.2024 | 10:14
Kardioloq Fikrət Sadıqzadə ürək çatışmazlığından vəfat edib
22.04.2024 | 09:45
Gözlərə nur bəxş edən fədakar həkim
19.04.2024 | 10:29
TƏBİB Daxili nəzarət və monitorinq departamentinin Monitorinq şöbəsinə işçi axtarır
18.04.2024 | 11:23
Dünya liderlərini bir araya gətirən "UNITED MEDICAL TOURISM EXPO" sərgisi yaxınlaşır
18.04.2024 | 19:50
Həddindən artıq su qəbulu beyin şişməsinə səbəb ola bilər
23.04.2024 | 07:58
Anestezioloq-reanimatoloq Sevda Hüseynova- “Həkimlərimizi tanıyaq!” rubrikası
18.04.2024 | 17:11
Təcili tibbi yardım briqadasının vaxtında yardımı nəticəsində xəstə boğulma vəziyyətindən çıxarılıb
18.04.2024 | 12:33
Moskva Dövlət Beynəlxalq Əlaqələr Universiteti tələbə qəbulu elan edir
18.04.2024 | 12:21
İsmayıl Əfəndiyev “İnkişaf etməkdə olan ölkələrin XII Toksikologiya Konqresi”ndə iştirak edir
18.04.2024 | 10:40
Şizofreniyanın müalicəsində yeni imkanlar araşdırılıb
18.04.2024 | 14:20
TƏBİB Cavanşir Məmmədovun ölümü ilə bağlı məlumat yayıb
20.04.2024 | 14:53
Həyata keçirdiyi hər bir proseduru dəqiqliyi ilə yoxlayan həkim - Nuranə Abbasova
23.04.2024 | 10:12
Nahidə Mahmudova Dövlət Gömrük Komitəsi Tibbi Xidmət İdarəsinin Mərkəzi Hospitalının rəis müavini təyin olunub
24.04.2024 | 11:11