3-7 noyabr tarixlərini əhatə edən Türk Oftalmologiya Dərnəyinin 55-ci Milli Konqresi davam edir.

 

Konqresin məqsədi oftalmologiya sahəsində baş verən son nailiyyətləri, yeni müayinə və müalicə metodlarını müzakirə etmək, təkliflərlə çıxış etmək və bu sahədə birgə təcrübə mübadiləsi aparmaqdır.

 

Tədbirdə dünyanın bir sıra ölkələrindən, eyni zamanda Azərbaycandan 50-dən çox oftalmoloq iştirak edir.

 

Konqresdə Azərbaycan Oftalmoloqlar Cəmiyyətinin (AOC) sədri, prof. Elmar Qasımovun adından AOC-un sədr müavini, t.ü.f.d. Yazgül Abdıyeva tərəfindən Türk Oftalmologiya Dərnəyinin prezidenti, prof. Dr. İzzet Cana 55-ci Milli Konqresin keçirilməsi münasibətilə təbrik məktubu təqdim edilib.

 

Tədbir çərçivəsində, həmçinin Türk Oftalmoloji Dərnəyinin Onursal Başkanı Sunay Duman, genel başkanı, prof. Dr. Öner Gelişken, prof. Dr. Süleyman Kaynak və digər mütəxəssislərlə görüş keçirlilib.