Aztibb.az xəbər verir ki, qarnında qəflətən güclü ağrılar, qusma başlayan, dərman müalicələrinə baxmayaraq vəziyyəti getdikcə pisləşən uşağın valideynləri uşaq cərrahı Fuad Hüseynova müraciət ediblər. 

 

Aparılan müayinələr zamanı səbəbin yumurtalıqda olan nəhəng ölçülü kista olduğu aşkarlanıb.

 

F.Hüseynov bildirib ki, kista yumurtalığın burulmasına səbəb olduğu üçün yumurtalıq qidalana bilməyib və artıq 24 saat vaxt keçdiyi üçün yumurtalığı itirmək təhlükəsi mövcud olub.

 

"Təcili cərrahi əməliyyata başladıq, qızımızın şansından yumurtalıq burulsa da canlı qalmışdı, yəni gecikmədik, onu qoruya bildik. Əməliyyat laparoskopik, yəni qapalı yolla həyata keçirildi, yumurtalığı qoruyaraq kista çıxarıldı. Uşaq hazırda bütün risklərdən uzaqdır, sadəcə USM və ginekoloq nəzarətindədir", - deyə həkim bildirib.