ATU-nun şəhid məzunlarının xatirəsi anılıb
02.11.2021 11:44
Azərbaycan Tibb Universitetində (ATU) 44 günlük Vətən müharibəsində qəhrəmancasına döyüşərək şəhid olmuş ATU məzunlarının xatirəsinə həsr olunmuş anım mərasimi keçirilib.
Aztibb.az xəbər verir ki, əvvəlcə universitetin Təlim-tərbiyə işləri üzrə prorektoru, dosent Zülfüqar Musabəyov çıxış edərək 44 günlük Vətən müharibəsində qazanılan şanlı Qələbədən, Müzəffər Ali Baş Komandan, Prezident İlham Əliyevin uğurlu daxili və xarici siyasətindən, Azərbaycan Ordusunun və əsgərinin qəhrəmanlığından söz açıb.
Z.Musabəyov bildirib ki, bir il əvvəl Azərbaycanın qələbəsi ilə başa çatan Vətən müharibəsi müstəqilliyimizin şərəf salnaməsinə çevrildi. Müzəffər Ali Baş Komandan İlham Əliyevin başçılığı ilə əldə olunan şanlı qələbə bizi döyüş meydanında qalib dövlət kimi bütün dünyaya təqdim etdi.
Prorektor qeyd edib ki, 44 günlük Vətən müharibəsində döyüş meydanında qəhrəmanlıq göstərən tibb xidməti işçilərinin əksəriyyəti Azərbaycan Tibb Universitetinin yetirmələri olub. Tibb xidməti işçiləri arasında ilk şəhid olan isə, qəhrəmanlığı ilə dastan yazan tibb xidməti leytenantı, universitetimizin məzunu Turqut Xəlilbəyli olub. O, yaralı əsgərin düşmən hədəfində olduğunu görərək özünü onun üzərinə atıb. Əsgərin həyatını xilas etsə də, özü şəhid olub.
"Hazırda ATU-nun Hərbi tibb fakültəsinin kitabxanasına Turqutun adı verilib. Turqut Xəlilbəylinin şəxsi kitabları onun guşəsində yerləşdirilib. Kitabxanada, həmçinin şəhid məzunlarımıza həsr olunmuş guşələr yaradılıb. Qeyd edim ki, Hərbi tibb fakültəsinin nəzdində yerləşən bütün mühazirə zallarına şəhid məzunların adları verilib" - deyə Z.Musabəyov bildirib.
Onun sözlərinə görə, müharibədə tibb xidmətinin qarşısında duran əsas vəzifə yaralanan hərbi qulluqçulara tibbi yardım göstərmək, onları müalicə etmək idi. Həkimlərin digər bir vəzifəsi isə, müharibə ilə yanaşı, COVID-19 pandemiyası ilə də mübarizə aparmaq, onun şəxsi heyət arasında yayılmasının qarşısını almaq üçün qabaqlayıcı tədbirlər görməkdən ibarət idi. Məhz bu fəaliyyət nəticəsində Silahlı Qüvvələrimizin şəxsi heyəti və Vətən müharibəsi zamanı yaralanan hərbi qulluqçular arasında koronavirus infeksiyasının yayılması halı qeydə alınmadı.
Z.Musabəyov bildirib ki, hər kəsin Vətən fədaisinə çevrildiyi müharibə günlərində Azərbaycan Tibb Universiteti də aktiv fəaliyyət göstərib. 2020-ci ilin aprelindən etibarən ATU-nun Tədris Cərrahiyyə və Tədris Terapevtik klinikaları koronavirus xəstələrinin müalicəsi üçün bağlansa da, 44 günlük Vətən müharibəsi dövründə klinika gücləndirilmiş iş rejiminə keçib. Klinikalarımızda yüksəkixtisaslı həkimlərimiz və orta tibb personalımız gecə-gündüz yorulmadan gətirilən yaralıları qəbul ediblər. Onlara ixtisaslı cərrahi yardım göstərilib. Bu fəaliyyət nəticəsində yüzlərlə əsgər və zabitimiz uğurla müalicə olunaraq öz sağlamlıqlarına qovuşub: "Qeyd edim ki, universitetin və klinikanın əməkdaşları həm də könüllü olaraq cəbhə bölgəsinə gedərək, yaralı vətəndaşlarımıza və əsgərlərimizə tibbi xidmət göstəriblər”.
Prorektor xatırladıb ki, Prezident İlham Əliyevin sərəncamı ilə canlarını Vətən uğrunda fəda etmiş bütün şəhidlərimizə dərin ehtiram əlaməti olaraq müharibənin başlandığı tarix - sentyabr ayının 27-si Anım Günü kimi qeyd olunur.
Daha sonra çıxış edən Hərbi tibb fakültəsinin rəisi, polkovnik Çingiz Əlləzov Vətən müharibəsi ilə Azərbaycanın hərb tarixinin yeni və şanlı salnaməsinin yazıldığını bildirib. Qeyd edib ki, rəşadətli Ordumuzun şücaəti, Vətən torpaqları uğrunda apardığı ölüm-dirim savaşı sayəsində ərazi bütövlüyümüz bərpa olunub, haqq-ədalət öz yerini tapıb: "Ötən illər ərzində Prezident İlham Əliyevin rəhbərliyi ilə Ordumuzun peşəkarlığının artırılması, müasir silah-sursatlarla təchiz olunması sahəsində məqsədyönlü və ardıcıl işlər aparılmışdı. Bu fəaliyyət hərbi təbabət sahəsini də əhatə edirdi. Son illər istər Bakıda, istərsə də rayonlarda, o cümlədən keçmiş cəbhə xəttinə yaxın ərazilərdə yerləşən xəstəxanalar, hospitallar ən müasir avadanlıqlarla təchiz edilmişdi. Müharibə zamanı bunun çox köməyi oldu”.
Ç.Əlləzov bildirib ki, müharibədə hərbçilərin tibbi təminatının yüksək səviyyədə təşkil edildiyini diqqətə çatdırıb.
"Təbib" idman klubunun sədri Qələndər Aslanov isə çıxışında döyüşlər zamanı hərbçilərimizdəki ruh yüksəkliyi, onların hazırlıqlı olmasında bədən tərbiyəsi və idmanın rolundan danışıb: “Biz 44 günlük Vətən müharibəsində həm döyüşərək, həm də yaralı əsgər və zabitlərimizə tibbi yardım göstərərək qəhrəmancasına şəhid olmuş məzun tələbələrimizin anım gününə toplaşmışıq. Vətəni qorumaq kimi müqəddəs bir amal uğrunda döyüşə atılan və bütün çətinliklərə sinə gərən qeyrətli Vətən oğullarını yad etmək, bütün şəhidlərimizin əziz xatirəsinə ehtiramla yanaşmaq, onların adlarını əbədiləşdirmək hər birimizin borcudur".
Onun sözlərinə görə, məzunlarımızın döyüş ruhunun yüksək olmasında əsas faktor fiziki və psixoloji hazırlıqlı olmalarıdır. Ümumilikdə ordumuzun da qüdrətli olması zabitin, əsgərin fiziki hazırlığından asılıdır. Fiziki hazırlıq cəsurluğun, sağlamlığın təminatıdır. Diqqət etsək görərik ki, ordu sıralarına çağırılanadək gənclərimiz idmanın müxtəlif növləri ilə məşğul olublar. Hətta aralarında beynǝlxalq və respublika səviyyəli yarışların iştirakçıları və qalibləri də var. Ümumilikdə 44 günlük Vətən müharibəsində müxtəlif idman növləri ilǝ məşğul olan minə yaxın peşəkar idmançımız iştirak edib, onlardan 320 nəfəri şəhid olub.
Vətən müharibəsində Xüsusi Təyinatlı Qüvvələrin həkimi olmuş qazimiz, baş leytenant Namiq Seyfəddinli döyüş xatirələrini iştirakçılarla bölüşüb.
Sonra anım mərasimi ATU-nun tələbələrinin ifasında ədəbi-bədii hissə ilə davam edib.
Tədbirin sonunda nümayiş olunan Ali Baş Komandan İlham Əliyevin şüara çevrilmiş “Qarabağ bizimdir, Qarabağ Azərbaycandır!” videoçarxı alqışlarla qarşılanıb.
Bu bölməyə aid digər xəbərlər
Yeni Klinikada tədbir: “Mənim sağlamlığım mənim hüququmdur”
17.05.2024 | 09:21
Səhiyyə naziri Kubanın ölkəmizdəki səfiri ilə görüşüb
16.05.2024 | 15:02
Biologiya, aqrar və tibb elmləri üzrə Problem şurasının iclasında tibb üzrə 12 dissertasiya mövzusu müzakirəyə çıxarılıb
16.05.2024 | 11:08
İqlim dəyişikliklərinə dair seminar təşkil edilib
14.05.2024 | 15:48
Qubada görülən işlər və qarşıda duran məsələlərə dair regional toplantı keçirilib
13.05.2024 | 15:04
Elmi konfrans: "Travmatik beyin zədələnmələri: multidisiplinar yanaşmanın üstünlükləri”
13.05.2024 | 09:21
Respublika Klinik Xəstəxanasında Ulu Öndərə həsr edilmiş tədbir keçirilib
10.05.2024 | 17:05
Azərbaycan dövlətçiliyinin söykəndiyi təməl prinsipləri Heydər Əliyev tərəfindən yaradılıb
10.05.2024 | 15:43
Elmi-Tədqiqat Ağciyər Xəstəlikləri İnstitutunda Ulu Öndər Heydər Əliyevin 101-ci ildönümü qeyd olunub
10.05.2024 | 13:26
Heydər Əliyev bütün zamanlarda Azərbaycan xalqına ləyaqətlə xidmət etmişdir
10.05.2024 | 11:42
ÇOX OXUNANLAR
Hidrogen xərçəng də daxil olmaqla geniş spektrli xəstəlikləri müalicə edə bilər
13.05.2024 | 08:26
Quba Regional Perinatal Mərkəzinin komandası 28-ci həftəsində doğulan körpənin həyatını xilas edib
16.05.2024 | 12:32
Saray Ailə Sağlamlıq Mərkəzinin terapevti Sevinc Zeynalova vəfat edib
14.05.2024 | 09:47
Almaniyadan dəvət olunmuş ortoped-travmatoloq Diaqnoz Tibb Mərkəzində pasiyentləri ödənişsiz qəbul edir
07.05.2024 | 17:06
Ağcabədi Rayon Mərkəzi Xəstəxanasının kardioloqu - İlqar Quliyev
12.05.2024 | 10:08
Endokrinoloq mühüm elementi olan “xərçəng əleyhinə” menyu təqdim edib
14.05.2024 | 09:18
Şəki Şəhər İcra Hakimiyyəti başçısının müavini onkoloji xəstəlikdən vəfat edib
09.05.2024 | 12:13
Hepatoloq Tofiq Əkbərov Türkiyədə XV Beynəlxalq Hepatoloji Konqresdə iştirak edib
16.05.2024 | 13:51
Həyat yoldaşına böyrəyini bağışladı
13.05.2024 | 16:19
Qobustan Rayon Mərkəzi Xəstəxanasında göz əməliyyatlarının icrasına başlanılıb
08.05.2024 | 12:03
Rəşad Mahmudov Lənkəranda Ümummilli Lider Heydər Əliyevin 101 illiyinə həsr olunmuş elmi seminarda çıxış edib
14.05.2024 | 09:35
"Həkimlərimizi tanıyaq!" rubrikası təqdim edir: Otorinolarinqoloq Vüsal Əliyev
09.05.2024 | 10:07
“Vaksinasiyaya Dəstək” layihəsi çərçivəsində Şəki şəhər Ailə Sağlamlıq Mərkəzində 70-ə yaxın uşaq peyvənd olunub
08.05.2024 | 11:07
Ürək qüsurlarının diaqnostikası və müalicə yolları
08.05.2024 | 15:31
Tibb Müəssisələrinin Akkreditasiyası və Keyfiyyətə Nəzarət Mərkəzi yaradılır - Fərman
15.05.2024 | 17:07