Dr. İsmayıl Əfəndiyev Dövlət Gömrük Komitəsinin (DGK) Tibbi Xidmət İdarəsi rəisinin müavini vəzifəsinə təyin edilib.

 

Aztibb.az xəbər verir ki, İsmayıl Əfəndiyev 1996-cı ildə Azərbaycan Tibb Universitetinin Müalicə işi fakültəsini fərqlənmə diplomu ilə, 2001-ci ildə Azərbaycan Tibb Universitetində əyanı aspiranturanı bitirərək, tibb elmləri namizədi elmi dərəcəsi alıb.

 

İ.Əfəndiyev 2007–2008-ci illərdə Almaniyanın paytaxtı Berlində Vivantes Humbold - Daxili Xəstəliklər Xəstəxanasının kardiologiya və intensiv terapiya şöbəsində ixtisasartırma kursu keçib. 2010-cu ildə Prezident Yanında Ali Attestasiya Komissiyasının qərarı ilə dosent elmi adı alıb.

 

Azərbaycan Tibb Universitetinin Rezidentura şöbəsinin müdir müavini, sonra isə xarici tələbər dekanı vəzifələrində işləyib.. Praktik əmək fəaliyyətinə 1996-cı ildən 2021-ci ilə qədər 1 saylı şəhər Klinik xəstəxanasında (Kliniki Tibbi Mərkəzində) Toksikologiya şöbəsində həkim toksikoloq-reanimatoloq kimi fəaliyyət göstərib. Bakı şəhərinin baş toksikoloqudur.

 

Dr. İ.Əfəndiyev öz üzərində daim çalışan yüksəkixtisaslı mütəxəssisdir, 175-dən artıq orijinal elmi işlərin, o cümlədən 4 dərslik, 10 metodik vəsait, 2 monoqrafiya, 1 kliniki protokol və 1 patent-ixtiranın müəllifidir. 4 xarıci elmi-praktiki jurnalların redaksiya heyətinin üzvüdür. Müxtəlif illərdə İngiltərə, İndoneziya, Ukrayna, Gürcüstan, Cənubi Koreya, Avstriya, Çin və Danimarkada təlim kurslarında iştirak edib.

 

2006-cı ildən Azərbaycan Toksikoloqlar Cəmiyyətinin sədri, 2009-cu ildən Avropa Toksikoloji Mərkəzlərin və Kliniki Toksikoloqların Assosiasiyanın həqiqi üzvüdir. 2010-cu ildən BMT “Beynəlxalq Kimyəvi İdarəetmə Üçün Strateji Yanaşma”(SAICM) təşkilatının Azərbaycan üzrə koordinatoru, 2012-ci ildən Ümumdünya Səhiyyə Təşkilatıının Kimyəvi Təhlükəsizlik və Ətraf Mühitin Sağlamlığı üzrə Milli Ekspert və Koordinatordur.