Bu gündən Zəfər Tibb Simpoziumu fəaliyyətə başlayıb.

Aztibb.az-ın məlumatına görə, tədbirdə çıxış edən Azərbaycan Tibb Universitetinin rektoru Gəray Gəraybəyli simpoziumun əhəmiyyətindən, müharibədəki zəfərimizdən bəhs edib. Rektor Şuşa zəfərinə həsr olunan simpoziumun təşkilinin qürurverici olduğunu qeyd edib, simpoziumun işinə uğurlar arzu edib.

Daha sonra çıxış edən səhiyyə nazirinin müavini Rahim Əliyev qeyd edib ki, simpozium əsasən nevrologiya, radiologiya, onkologiya, həm də COVID-19-un bəzi aktual problemlərinə həsr olunub.

Diasporla İş üzrə Dövlət Komitəsinin sədr müavini Vaqif Seyidbəyov simpozium 44 günlük Vətən müharibəsindəki zəfərlə əlaqədardır: "Sevindirici haldır ki, simpoziumda diaspor nümayəndələri də iştirak edir. Komitə müxtəlif formatda layihələr həyata keçirir. 10-dan çox ölkədə 13 Azərbaycan evi açılıb. Xüsusilə soydaşlarımızın elm sahəsində olan layihələrinə diqqət edirik".

Qeyd edək ki, simpozium Səhiyyə Nazirliyi, Diasporla İş üzrə Dövlət Komitəsi və Almaniya-Azərbaycan Radioloji və Neyroradioloji Cəmiyyətinin təşkilatçılığı həyata keçirilir və 2 gün davam edəcək.