Hindistanın sabiq prezidenti, 85 yaşlı Pranab Mukherci koronavirusdan vəfat edib.

Aztibb.az-ın news.sky.com-a istinadən verdiyi xəbərə görə, bu barədə məlumat Hindistan hökumətinin saytında yer alıb.

Məlumatda avqustun 10-da Mukhercinin yeni növ koronavirusa yoluxduğu və onun xəstəxanaya yerləşdirildiyi bildirilir. Həkimlər sabiq prezidentin komada olduğunu və süni tənəffüs aparatına qoşulduğunu deyiblər.

Qeyd edək ki, Pranab Mukherci 2012-2017-ci illərdə Hindistanın prezidenti olub. Onun vəfatı ilə əlaqədar ölkədə yeddigünlük matəm elan edilib. Bütün binalarda Hindistanın dövlət bayrağı endiriləcək və rəsmi tədbirlər təxirə salınacaq.