Uşaqlarda müxtəlif xəstəliklərdən sonra reabilitasiyanın müasir aspektləri - VEBİNAR
26.10.2021 12:23
Tibbi Ərazi Bölmələrini İdarəetmə Birliyinin Davamlı tibbi təhsil və tibbi təlimlər şöbəsinin təşəbbüsü, Elmi-Tədqiqat Pediatriya İnstitutu və Uşaq Bərpa Müalicə Mərkəzinin birgə təşkilatçılığı ilə TƏBİB-in tabeliyində olan tibb müəssisələrinin 100-dən çox əməkdaşı üçün “Uşaqlarda müxtəlif xəstəliklərdən sonra reabilitasiyanın müasir aspektləri” adlı vebinar keçirilib.
 
Aztibb.az xəbər verir ki, vebinarda davamlı tibbi təhsil və tibbi təlimlər şöbəsinin müdiri, t.e.d., dosent Emil İskəndərov, Elmi-Tədqiqat Pediatriya İnstitutunun direktoru, t.ü.f.d. Allahverdi Musayev, Uşaq Bərpa Müalicə Mərkəzinin baş həkimi Cəmilə Talıbova məruzələrlə çıxış ediblər. Onlar inkişaf çətinliyində olan uşaqların erkən müdaxiləsi, dayaq – hərəkət sistemi xəstələrinin reabilitasiyasının təşkili, xəstələrin reabilitasiyasında fizioterapevtik proseduraların rolu, yuxarı və aşağı tənəffüs orqanlarının patologiyası və COVID-19 xəstəliyindən sonrakı reabilitasiya tədbirləri haqqında məlumat veriblər. 
 
Sonda uzman həkimlər mövzu ətrafında iştirakçıları maraqlandıran sualları cavablandırıblar.