Aztibb.az xəbər verir ki, həyatla ölüm arasında mübarizə aparan körpə doğulduğu klinikada doğulan kimi vəziyyəti çox ağır olduğu üçün süni tənəffüs aparatına bağlanıb.

 

Uşağı dünyaya göz açar açmaz bu vəziyyətə salan səbəb olduqca ağır ölümcül patologiya olan döş qəfəsini qarın boşluğundan ayıran təbəqənin olmaması idi (diafraqmal yırtıq). Nəticədə bağırsaqlar, dalaq, mədə, döş qəfəsinə keçərkən ağciyəri, ürəyi sıxır, inkişafına və fəaliyyətinə mane olurdu.

 

Vəziyyəti olduqca ağır olduğu üçün körpəni doğulduğu gün əməliyyata almaq mümkün olmayıb.

 

Mərkəzi Klinikanın peşəkar neonotoloqları və kardioloqlarının gərgin səylərindən sonra körpənin vəziyyəti çox riskli olsa da cərrahi əməliyyata imkan verəcək vəziyyətə gətirilib. 

Çəkisi 2500 qr, 1 günlük körpə cərrahi əməliyyata alınıb, bağırsaqlar, mədə, dalağın döş qəfəsində olduğu görülüb.

 

Uğurlu keçən əməliyyat nəticəsində bütün orqanlar qarın boşluğuna qaytarılaraq diafraqmadakı açıqlıq bərpa edilib.

Əməliyyatdan sonra hər şey yolunda getsə də ürəyində olan qüsura bağlı süni tənəffüs aparatından ayırmaq mümkün olmayıb. Bu səbəbdən 1 həftənin içərisində 2-ci əməliyyat qərarı verilib.

 

Qeyd edək ki, körpə hazırda 7 aylıqdır.