Hazırda bütün ölkə ilə yanaşı, ATU-nun kollektivi də şəhid məzunlarının anım mərasimlərində yaxından iştirak edir. Aztibb.az xəbər verir ki, universitetin Hərbi Tibb Fakültəsinin şəxsi heyəti fakültənin məzunu, müharibədə şəhid olmuş gizir Abdullayev Eldar Firidun oğlunun ildönümünə həsr olunmuş anım mərasimində iştirak edib. Şəxsi heyət üzvləri Sumqayıt şəhər şəhidlər xiyabanını ziyarət ediblər. Fakültənin nümayəndələri digər şəhid, əsgər Bayramov Səlimxan Vüqar oğlunun ildönümünə həsr olunmuş mərasimdə iştirak ediblər.

 

Azərbaycan Tibb Universitetinin kollektivi Vətən müharibəsində şəhid olan məzunlarını daim hörmətlə anaraq, onların əziz xatirəsini yüksək tutacaq.