Azərbaycanın Xalq artisti, xanəndə Canəli Əkbərov komaya düşüb.
Aztibb.az xəbər verir ki, bunu sənətçinin oğlu Sabir Əkbərov deyib.
"Özüm də həkiməm, hər an yanındayam. Atamın səhhəti keçən il də ağırlaşmışdı. Ayaqlarında problem yaranmışdı. O, həm də şəkərli diabetdən əziyyət çəkir. Hər şey bir anın içində oldu. Şəkəri qalxdı və komaya düşdü. Üç gündür sistemlərin hesabına həyatda qalır", - o bildirib.
Qeyd edək ki, C.Əkbərov 1940-cı il martın 10-da Lənkəran rayonunda anadan olub.
*
11:11
İki il bundan öncə beyin insultu keçirtmiş Xalq artisti Canəli Əkbərovun səhhəti pisləşib.
Bu barədə xanəndənin qızı Təranə Əkbərova məlumat verib.
O, bildirib ki, C.Əkborov hazırda ev şəraitində müalicə olunur: “Bir müddətdir ki, atamın səhhətində ciddi problemlər var. Son günlər vəziyyəti xeyli pisləşib. Beyni tamam funksiyasını itirib. Durumu çox ağır olduğu üçün müalicəsini evdə davam etdiririk. Həkimlər ümidverici heç nə demir. Sadəcə möcüzə gözləyirik”.
