Bu gün 2 nömrəli Bakı Baza Tibb Kollecinin tələbələri tərəfindən kollecin həyətyanı sahəsində Prezident, Müzəffər Ali Baş Komandan İlham Əliyevin rəhbərliyi ilə 44 gündə qələbə ilə başa çatan Vətən müharibəsində həlak olan şəhidlərimizin xatirəsinə ağacəkmə aksiyası keçirilib.

 

Aztibb.az xəbər verir ki, aksiyada Vətən müharibəsində canlarını qurban verən qəhrəmanların, eləcə də kollecin əməkdaşı olmuş şəhid Kazımlı Mürsəl Kamil oğlunun adına ağac əkilib, xatirələri bir daha yad edilib.

 

Aksiyada Azərbaycan Ordusunun İkinci Qarabağ müharibəsində iştirak edən hər bir əsgər və zabitinin böyük Zəfərimizin əldə olunmasında misilsiz xidmətlər göstərdikləri, onların qəhrəmanlıqlarının heç zaman unudulmayacağı bildirilib.