Ölkədə digər respirator xəstəliklər ötən illə müqayisədə azalıb.

Aztibb.az xəbər verir ki, bunu Səhiyyə Nazirliyinin ekspert-mütəxəssisi, infeksionist Təyyar Eyvazov nazirliyin "Instagram" səhifəsində canlı yayımda qonaq olarkən deyib.

Onun sözlərinə görə, payız-qış aylarında bu xəstəliklərin də artacağı istisna olunmur: "Havaların soyuması ilə əlaqədar digər respirator xəstəliklərin də artımı gözləniləndir. Lakin bu xəstəliklərin səviyyəsi əvvəlki illərdən çox deyil. Hətta qripə yoluxanlar ötən ildən xeyli azdır. Çünki koronavirusa qarşı istifadə olunan tədbirlər, maska taxılması, sosial məsafənin gözlənilməsi və s. insanları digər respirator xəstəliklərdən də qoruyur".