Ümumdünya Səhiyyə Təşkilatının (ÜST) təşəbbüsü ilə oktyabr ayının ikinci cümə axşamı hər il Ümumdünya Görmə Günü kimi qeyd edilir.

Həmin gün təqvimə korluq, görmənin pozulması və reabilitasiyası problemlərinə diqqəti cəlb etmək üçün salınıb. Dünya Görmə Gününün qeyd olunmasında müxtəlif əlaqədar təşkilatlar iştirak edirlər.

Mütəxəssislərin rəyinə görə, vaxtında müayinə və müalicə etməklə korluq hallarının 80 faizinin qarşısını almaq mümkündür.

Dünyada, həmçinin yaşın artması və nəzarət olunmayan şəkər xəstəliyi ilə bağlı korluq da geniş yayılıb.

Ümumdünya Görmə Günü çərçivəsində hər bir ölkədə olduğu kimi, Azərbaycanda da göz xəstəliklərinin qarşısının alınmasına yönəldilmiş maarifləndirmə və profilaktika tədbirləri aparılır.