ÜST ekspertləri bu sahədəki ən böyük müəssisələr olan 1 nömrəli Respublika Psixiatriya Xəstəxanası və 1 nömrəli Psixonevroloji Sosial Xidmət Müəssisəsində COVID-19 infeksiyasının profilaktikası və nəzarət tədbirlərinin qiymətləndirilməsini aparıb.

 

Qiymətləndirmə COVID-19-un pasiyentlərin gündəlik həyatına təsir etdiyi sahələri anlamaq, virusa yoluxmuş şəxslərin müəyyənləşdirilməsi və idarə edilməsində dəstəyə ehtiyac duyulan sahələri aydınlaşdırmaq məqəsədi daşıyıb. Eləcə də əl gigiyenası stansiyaları, əl dezinfeksiyaediciləri və məlumatlandırıcı posterlərin verilməsi ilə bu müəssisələrdə infeksiyaların profilaktikası və nəzarət tədbirlərinin yaxşılaşdırılmasına dəstək nəzərədə tutulur.

 

Aİ-ÜST layihəsi çərçivəsində, həmçinin tibb işçilərinin psixi sağlamlıq və psixo-sosial dəstək sahəsində bilik və bacarıqlarının artırılması məqsədilə 6 ay ərzində bu səhiyyə müəssisələrində çalışmaq üçün 3 psixoloq və 3 sosial işçi göndərilib.