COVID-19 xəstələrinə evdə müalicə aldıqları müddətdə müavinət ödənilir.

Aztibb.az-ın məlumatına görə, bunu sosial şəbəkədəki "Sosial saat" adlı proqramında çıxışı zamanı Əmək və Əhalinin Sosial Müdafiəsi Nazirliyinin tabeliyində Dövlət Sosial Müdafiə Fondunun Sosial Sığorta və Fərdi Uçot üzrə Mərkəzi Filialının direktoru Hüseyn Paşayev deyib.

Onun sözlərinə görə, Azərbaycanda koronavirus infeksiyası ümumi xəstəlik kimi qəbul olunduğu üçün virusa yoluxan şəxslərə özünütəcrid dövründə əmək qabiliyyətinin müvəqqəti itirilməsinə görə müavinət ödənilir:

"İlk 14 gün ərzində müavinət sığortaedən tərəfindən, 14 gündən çox olduqda isə yerdə qalan vəsait məcburi dövlət sosial sığortası hesabına ödənilir."