“Azərxalça”nın sabiq rəhbəri Vidadi Muradov yenidən xəstəxanaya yerləşdirilib.

Aztibb.az-ın məlumatına görə, bir müddət əvvəl xəstəxanadan İstintaq Təcridxanasına qaytarılan Vidadi Muradovun ötən gün vəziyyəti yenidən ağırlaşıb. O, yenidən Milli Onkologiya Mərkəzinə köçürülüb.

Qeyd edək ki, bu gün V.Muradovun cinayət işi üzrə məhkəmənin hazırlıq iclası keçirilməli idi. Prosesin təxirə salındığı bildirilir.

Xatırladaq ki, rəsmi məlumata görə, Muradov Vidadi Aydın oğlunun qanunsuz əməlləri ilə əlaqədar Baş Prokurorluğa daxil olmuş materiallar əsasında aparılmış araşdırma nəticəsində Cinayət Məcəlləsinin müvafiq maddələri ilə cinayət işi başlanıb.