Bu məqsədlə TƏBİB -in Ana və uşaq sağlamlığının təşkili şöbəsi və Davamlı tibbi təhsil və tibbi təlimlər şöbəsinin BMT -nin Uşaq Fondu (UNİCEF) və Elmi Tədqiqat Pediatriya İnstitutu ilə birgə əməkdaşlığı çərçivəsində Abşeron Mərkəzi Rayon Xəstəxanasında 20 nəfərlik qrup üçün üç günlük “Ana südü ilə uğurlu qidalandırmaya doğru On Addım” adlı növbəti təlimlər keçirilib.

Təlimlərdə TƏBİB-in Tibbi xidmətlər departamentinin Ana və uşaq sağlamlığının təşkili şöbəsinin baş mütəxəssisi Şəbnəm Şahgəldiyeva və K.Y.Fərəcova adına ETPİ, Anesteziologiya-Reanimasiya və İntensiv Terapiya şöbəsinin həkim pediatrı Lamiyə Fərzəliyeva təlimçi qismində iştirak edib. Təlimlərə həkim-neonatoloq, mama-ginekoloq, mama və yenidoğulmuş uşaqlara qulluq edən tibb bacıları qatılıblar.

 

Təlimlər çərçivəsində tibbi heyətə körpələri ana südü ilə qidalandırmağın üstünlükləri izah edilib. İştirakçılar analara əminliklə və mümkün qədər tez ana südü ilə qidalandırmaya dəstək göstərə bilmələri üçün bilik və bacarıqlarının artırılması, optimal qidalandırma yolu ilə körpələrin və erkən yaşlı uşaqların qidalanma statusunu müəyyən edərək onların sağlamlığının təmin edilməsi ilə bağlı maarifləndirilib.

 

Təlimlər praktik və qrup işləri olmaqla interaktiv qaydada təşkil olunub.