Antenatal dövrdən diaqnozu bəlli olan körpənin valideynləri körpə doğulmamış Elmi-Tədqiqat Pediatriya İnstitutuna (ETPİ) müraciət ediblər.

Aztibb.az xəbər verir ki, körpədə anadangəlmə sol tərəfli diafraqma yırtığı (Boqdalek yırtığı) diaqnozu təsdiqlənib. Daxili orqanlarından mədə, dalaq, nazik və yoğun bağırsaqların xeyli hissəsi döş qəfəsində yerləşib, sol ağciyər hipopolazik, ciddi pulmonar hipertenziya qeyd olunub.

Körpə reanimasiyada əməliyyat öncəsi hazırlıqdan sonra dərhal əməliyyata alınıb. Cərrah Ümüd Musayev tərəfindən aparılan əməliyyat uğurla icra olunub. 

Reanimatoloqların peşəkarlığı və səyi nəticəsində körpənin vəziyyəti daha da yaxşılaşıb.