Azərbaycanda ilk dəfə yeni doğulmuş körpə üzərində qida borusunun əvəzlənməsi əməliyyatı icra olunub.

Qida borusunun fistulsuz atreziyası (qida borusunun böyük qisminin anadangəlmə olmaması) ilə doğulan uşağa yenidoğulan dövrdə uşaq cərrahı Gündüz Ağayev tərəfindən ezafaqo və qastrostomiya əməliyyatı icra olunub.

Məlumata görə, 1 il müddətində mədəyə qoyulan rezin boru ilə qidalanan uşaq 1 yaşında növbəti cərrahi əməliyyat üçün Bakıdakı xəstəxanalardan birinə gətirilib və xəstəyə Gündüz Ağayev tərəfindən qida borusunun əvəzlənməsi əməliyyatı icra edilib.

Bildirilib ki, Azərbaycanda ilk dəfədir belə cərrahi əməliyyat həyata keçirilir.

Mədə arxa divararalığından, ürəyin, aortanın və traxeyanın arxasından boyuna çıxarılaraq, qida borusunun ucu ilə birləşdirilib. Doğulandan ağızdan qida qəbul etməyən uşaq əməliyyatdan sonra, 1 ay müddətində qismən ağızdan qisməndə nazik bağırsağa yerləşdirlimiş zondla qidalanıb. Udmağı öyrəndikdən sonra ağızdan tam qidalandığına görə nazik bağırsağa qoyulmuş zond xaric edilib.

Hazırda körpə həkim nəzarətindədir və vəziyyyəti yaxşıdır.