Rusiyanın Orenburq vilayətində saxta alkoqollu içkidən kütləvi zəhərlənmə nəticəsində daha iki nəfər həyatını itirib, bununla da ölənlərin sayı 34-ə çatıb.
Aztibb.az TASS-a istinadən xəbər verir ki, bu barədə yerli icra orqanının mətbuat xidmətindən bildirilib.
“10 oktyabr saat 19:00-a olan (Bakı vaxtı ilə 18:00) məlumata görə, bölgədə saxta alkoqollu içkidən 67 nəfərin zəhərləndiyi məlumdur, onlardan 34-ü ölüb. 24 nəfər xəstəxanaya yerləşdirilib, onlardan 11-nin vəziyyəti qənaətbəxş, 6-sı evə buraxılmağa hazırlaşır, 2-nin vəziyyəti orta ağır, 7-nin vəziyyəti ağır, 4-ü süni tənəffüs aparatında qoşulub. 9 nəfərə ambulator müalicə göstərilir”, - mətbuat xidmətinin məlumatında belə deyilir.
Kütləvi zəhərlənmə faktı ilə bağlı 10 nəfər saxlanılıb.
*
10:07
Rusiyanın Orenburq vilayətində 30 nəfər saxta alkoqoldan zəhərlənmə nəticəsində ölüb.
Aztibb.az-ın məlumatına görə, bu barədə vilayətin Regional və İnformasiya siyasəti üzrə nazirin müavini İnna Averkova deyib.
O, bildirib ki, 23 nəfər xəstəxanalarda müalicələrini davam etdirir. Onardan beşi süni tənəffüs aparatlarına qoşulub. Özünü yaxşı hiss edən 8 xəstə evə buraxılıb və müalicələrini orada davam etdirirlər.