ABŞ-da 2020-ci ilin aprel ayından 2021-ci ilin 30 iyun tarixinədək 140 mindən çox uşağın koronavirus səbəbilə valideyni və ya qəyyumu vəfat edib.

Aztibb.az-ın məlumatına görə, bu barədə "Pediatrics" jurnalında dərc edilən məqalədə deyilir.

Məqalədə bildirilir ki, irqi və etnik azlıqlardan olan uşaqların "ağ" amerikalı ailələrə nisbətən bir valideynin (və ya qəyyumun) ölümü ilə üzləşmə ehtimalı 1,1-4,5 dəfə çox olub. İrqi və etnik azlıqlar ABŞ əhalisinin 39 faizini təşkil etsə də, araşdırmalar göstərir ki, valideynini (və ya qəyyumunu) itirən uşaqların təxminən 65 faizi irqi və etnik azlıqlardandır, 35 faizi isə "ağ" amerikalılardır.