Rusiyanın Orenburq vilayətində saxta alkoqollu içdikdən ölənlərin sayı 11 nəfərə çatıb, daha 4 nəfər xəstəxanaya yerləşdirilib. Onlardan 2-nin vəziyyəti ağırdır.

Aztibb.az bu barədə İNTERFAX-a istinadən xəbər verir.

Bildirilir ki, ölənlərin qanında metanol maddəsi tapılıb. Həkimlərin açıqlamasına görə, aşkar edilən metanol ölümcül dozadan dəfələrlə çox olub.

Hadisə ilə əlaqədar Orenburq vilayətinin qubernatoru Denis Pasler bölgəsinin ərazi rəhbərləri ilə təcili toplantı keçirib. Qubernator əhaliyə qanunsuz alkoqollu içkilərin alınmasının və qəbul edilməsinin yolverilməzliyi barədə məlumat verməyi tapşırıb.

Faktla bağlı cinayət işi açılıb.