Koronavirusa yoluxmuş, yüksək təzyiq problemindən əziyyət çəkən və qanın tromblaşma riski olan Namiq Qasımov 26 avqust 2021-ci il tarixində Mərkəzi Gömrük Hospitalına yüksək hərarətlə müraciət edib.
N.Qasımov Aztibb.az-a Mərkəzi Gömrük Hospitalında COVID-19 xəstələrinə göstərilən xidmətlər barədə təəssüratlarını bölüşüb.
“Mərkəzi Gömrük Hospitalında müalicə aldığım müddətdə xəstələrə böyük qayğı göstərildiyinin və müalicələrin yüksək səviyyədə aparıldığının şahidi oldum. Hospitalın baş həkimi Elman Məmmədov hər gün xəstələrə baş çəkir, hər biri ilə şəxsən maraqlanır. Dövlət Gömrük Komitəsi Tibbi Xidmət İdarəsinin rəisi, tibb xidməti general-mayoru Ceyhun Məmmədov, baş həkim Elman Məmmədov və həkim-infeksionist Mədinə Abdullayeva başda olmaqla bütün tibb heyətinə dərin təşəkkürümü bildirirəm”, – N.Qasımov bildirib.
O, qeyd edib ki, riskli xəstələr qrupuna daxil olsa da, hospitalın həkimlərinin düzgün müalicəsi nəticəsində sağlamlığına qovuşub: “Hazırda özümü yaxşı hiss edirəm”.