Azərbaycan Tibb Universitetinin (ATU) Dermatovenerologiya kafedrasının dosenti Svetlana Əliyeva ötən gün 82 yaşında vəfat edib.
Qeyd edək ki, Svetlana Əliyeva 1956-1962-ci illərdə N.Nərimanov adına ATİ-nun Müalicə-profilaktika fakultəsində təhsil almışdı. O, 1962-ci ildə S.M.Kirov adına ADU-nun İnsan və heyvanların fiziologiyası kafedrasında aspirant kimi əmək fəaliyyətinə başlamışdı.
1966-1970-ci illərdə ATU-nun Dermatovenerologiya kafedrasında baş laborant, 1995-ci ildən ömrünün sonuna kimi isə həmin kafedrada dosent kimi çalışmışdı. 2000-ci ildə “Fəxri həkim” adına layiq görülmüşdü.
S.Əliyeva 2009-cu ildə 70 illik yubileyi ilə əlaqədar ATU-nun “Fəxri fərman”ı ilə təltif edilmişdi. O, 40-a yaxın elmi işin müəllifi idi.
Allah rəhmət eləsin!
