Ədliyyə Nazirliyinin Penitensiar Xidmətinin əməliyyat aparatının həyata keçirdiyi əməliyyat-axtarış tədbirləri nəticəsində müalicə müəssisəsinə narkotik maddə keçirilməsi cəhdinin qarşısı alınıb.

Penitensiar Xidmətin ictimaiyyətlə əlaqələr şöbəsindən bildiriblər ki, Cinayət Məcəlləsinin 234.4.3-cü maddəsinə əsasən təqsirli bilinərək həbs edilmiş və hazırda müalicə müəssisəsində saxlanılan Elçin Yaşar oğlu Məmmədova qardaşı - Füzuli şəhər sakini Elmir Yaşar oğlu Məmmədov tərəfindən gətirilmiş sovqata baxış keçirilib. Sovqatın içərisində qarabaşaq yarmasına qatılaraq xüsusi üsulla gizlədilmiş 0,694 qram çəkidə heroin aşkar edilib.

Faktla bağlı araşdırma aparılır.