“Bu günə qədər II Qarabağ müharibəsində müxtəlif dərəcəli xəsarətlər alan 2 000-ə yaxın qaziyə əlillik təyinatı aparılıb”.

Aztibb.az xəbər verir ki, bunu Dövlət Tibbi-Sosial Ekspertiza və Reabilitasiya Agentliyinin İdarə Heyətinin sədr müavini Mətanət Məmmədova deyib.

O qeyd edib ki, Vətən müharibəsindən sonra yaralanan 5 281 hərbi qulluqçu müayinə olunub. İndiyədək 143 qazinin yüksək texnologiyalı protezlə təminatı həyata keçirilib.

"Hər bir qazi yüksək texnologiyalı protezlə təmin olunacaq. Artıq yuxarı ətrafların da protezləşməsi başlayıb, bir müddət sonra başa çatacaq”, - deyə Mətanət Məmmədova əlavə edib.