COVID-19-a yoluxmuş 71 yaşlı Cavanşir Cəlilov 20 iyun 2021-ci il tarixində Mərkəzi Gömrük Hospitalına ağır vəziyyətdə müraciət edib.
Yanaşı xəstəliyi olan, ürəyinə stent qoyulmuş C.Cəlilov Mərkəzi Gömrük Hospitalının peşəkar tibb kollektivinin səyi nəticəsində sağlamlığına qovuşub və o, 17 avqust 2021-ci il tarixində evə yola salınıb.
Bu barədə Aztibb.az-a təəssüratlarını bölüşən C.Cəlilov bildirib: “Azərbaycan Respublikası Dövlət Gömrük Komitəsinin sədri, gömrük xidməti general-polkovniki Səfər Mehdiyevə, Dövlət Gömrük Komitəsi Tibbi Xidmət İdarəsinin rəisi, tibb xidməti general-mayoru Ceyhun Məmmədova, o cümlədən Hospitalın baş həkimi Elman Məmmədov və həkim-infeksionist Mədinə Abdullayeva başda olmaqla bütün tibb kollektivinə təşəkkürümü bildirirəm. Hospitalda insanlara göstərilən tibbi xidmət və peşəkarlıq səviyyəsi respublika üzrə nümunəvidir”.
Sonda C.Cəlilov insanları toy və yas mərasimlərində iştirak edərkən ehtiyatlı olmağa, zəruri gigiyena tələblərinə ciddi əməl etməyə çağırıb.