Azərbaycanlı həkim Sabrin Ali Azim İtaliyanın tibb universitetində təlim keçməyə dəvət olunub.

Bu barədə Aztibb.az-a o, özü açıqlama verib. 

S.Ali Azim Roma şəhərində “Catholic University of the Sacred Heart” Tibb Universitetinin Müalicə-profilaktika fakültəsində ingilis dilində tədris etməyə başlayıb.

Həmvətənlimiz ağız və üz-çənə cərrahiyyəsi üzrə mühazirəni onlayn formada keçirir.

Üz-çənə cərrahiyyəsi kafedrasının müdiri, prof. Alessandro Moro təlimlərin yaxın gələcəkdə daha çox keçirilməsini planlaşdırıb. Üz-çənə cərrahiyyəsi üzrə konsultant Dr. Saponaro isə tələbələrin bu təlimi xüsusi maraqla qarşıladığını qeyd edib.

Qeyd edək ki, təlimlər 4 oktyabr 2021-ci il tarixinə qədər davam edəcək.

Xatırladaq ki, S. Ali Azim Azərbaycan Tibb Universitetinin məzunudur və uzun illər xaricdə yaşayıb işləyərək ölkəmizi təmsil edir. Həmçinin öz ixtisası üzrə bir neçə assosiasiyasının üzvüdür. O, eyni zamanda Fransadakı Alim Elmi Assosiasiyasının və beynalxalq qadınlar klubunun üzvüdür.