Koronavirusun yeni yayılan "Eta" ştamının spesifik əlaməti yüksək hərarətdir.

Aztibb.az xəbər verir ki, bu barədə həkim-infeksionist Nigar Əliyeva açıqlama verib.

O, yeni variantın digər əlamətlərinin isə bütün ştamlarla eyni olduğunu bildirib:

"Dünyanın müxtəlif yerlərində müxtəlif ştamlar yaranır. Bəziləri bir müddət sonra yayılma sürətini artıraraq aktuallıq qazanır. ÜST təsdiq etdikdən və araşdırmalardan sonra yekun qərara gəlinir. Hazırda, Nigeriya ştamı yeni aşkarlanıb və araşdırma dövrünü keçirir. Eyni zamanda "Mu" ştamı da diqqət mərkəzindədir. Lakin hansının geniş miqyas alacağını proqnozlaşdırmaq çətindir. Adətən, hər yeni yaranmış mutasiya əvvəlkindən daha zəif olmalıdır. Lakin COVID-19-da biz bunu hələ ki, müşahidə edə bilmirik. Ümid edirik ki, vaksinasiya ştamların zəifləməsinə də təsir edəcək".