“Vaşinqton məhz koronavirusa qarşı peyvəndin hazırlanması ilə məşğul olan rusiyalı alimlərə və mütəxəssislərə qarşı sanksiyalar tətbiq edib”.

Bunu Rusiya Xarici İşlər Nazirliyin (XİN) rəsmi nümayəndəsi Mariya Zaxarova bildirib.

Onun sözlərinə görə, hər şeydən öncə ABŞ-ın sanksiyalarına son bir neçə ayda COVID-19-a qarşı Rusiya peyvəndinin hazırlanmasında yorulmadan çalışan alim və mütəxəssislərin düşməsi faktı hiddət doğurur:

"Anlaşılan deyil ki, ABŞ hakimiyyəti öz vətəndaşlarına 180 mindən çox amerikalının öldüyü xəstəlik üçün dərmanın hazırlanması üzərində uğurla çalışan insanların cəzalandırılması cəhdini necə izah edəcək.

Birləşmiş Ştatların Rusiyanın elmi-tədqiqat institutlarına qarşı sanksiyaları koronavirusa qarşı peyvəndin istehsalı və yayılması sahəsində ədalətsiz rəqabət aparmaq cəhdini xatırladır. Əmin deyilik ki, bu pandemiya ilə mübarizə sahəsində düzgün addımdır. Belə təəssürat yaranır ki, söhbət yenə də öz şirkətlərini, bu dəfə əczaçılıq üzrə müəssisələrini tanıtmaq maraqları naminə sanksiya təzyiqlərinin primitiv istifadəsindən gedir".