17 sentyabr bütün dünyada Ümumdünya Pasiyent Təhlükəsizliyi Günü kimi qeyd olunur.

 

Aztibb.az xəbər verir ki, bu il Ümumdünya Pasiyent Təhlükəsizliyi Günü ana və yenidoğulmuşlara xidmət göstərərkən, xüsusilə doğuş zamanı onların təhlükəsizliyinin prioritetləşdirilməsinə həsr olunub.

 

Ana və yenidoğulmuşların sağlamlığı Universal Tibbi Təminat gündəliyinin əsasını təşkil edir və Ümumdünya Səhiyyə Təşkilatının səhiyyə təminatında bərabərliyin göstəricisi olaraq istifadə etdiyi 16 əsas səhiyyə xidmətindən biridir.

 

Cinsindən, etnik mənsubiyyətindən, coğrafi mövqeyindən və sosial-iqtisadi vəziyyətindən asılı olmayaraq bütün ana və körpələrin təhlükəsiz və keyfiyyətli xidmətə çıxışı olmalıdır.