Limfoma, limfatik və immun sistemi hüceyrələrinin bədxassəli xəstəliyidir. Limfoma limfa düyünlərini, dalağı, sümük iliyi ilə bərabər bir çox orqan və sistemləri zədələyir.

 

Bu barədə Milli Hematologiya və Transfuziologiya Mərkəzinin "Facebook" səhifəsində məlumat verilib.

Bildirilib ki, 2004 -cü ildən başlayaraq hər il sentyabrın 15 i Limfoma ilə mübarizə üçün xəbərdarlıq ayı kimi qeyd edilir. Məqsəd limfomanın simptomlarını əhalinin nəzərinə çatdırmaqdır.

 

Limfoma zaman keçdikcə inkişaf edən ciddi xəstəlikdir. Lakin, buna baxmayaraq müasir təcrübə 80 faiz hallarda onu sağaltmağın mümkün olduğunu deməyə əsas verir.

 

Xəstəliyin sağalma ehtimalı ona vaxtında qoyulan düzgün və dəqiq diaqnozdan çox asılıdır.

 

Qərbi Avropa ölkələrində limfoma ilə xəstələnmə ildə hər 100 min əhalidən 12-15 nəfərində təsadüf edilir.