Sentyarın 13-də ÜST-ün Avropa üzrə Regional Komitəsinin 71-ci sessiyası öz işinə başlayıb. Virtual keçirilən görüşlərdə Azərbaycan da daxil olmaqla, 53 ölkənin nümayəndəsi və səhiyyə naziri, tərəfdaş təşkilatlar və vətəndaş cəmiyyətinin üzvləri iştirak edir.

Aztibb.az xəbər verir ki, builki Komitənin gündəliyi səhiyyə ilə bağlı bir çox məsələni əhatə edir:

- COVID-19-dan öyrənilən dərslər: növbəti pandemiyaya hazırlıq;
- Sağlamlıq və Davamlı İnkişaf üzrə Pan-Avropa Komissiyası: nəticələrin təqdimatı və tövsiyələr;
- İlkin Səhiyyə Xidmətləri: Səhiyyə sistemlərinin yenidən orientasiyası üçün imkanların nəzərə alınması, ilkin səhiyyə xidmətlərinin yenidən qurulması və səhiyyə üzrə prioritetlərin yenidən müəyyənləşdirilməsi;

- Avropa İş Proqramı (AİP): monitorqin aparılması, AİP-in iki prioritetinə baxış (psixi sağlamlıq və immunizasiya)
- Ölkə səviyyəsində təsirini artırmaq üçün ÜST-ü siyasi, texniki və maliyyə cəhətdən gücləndirmək;
- ÜST-ün büdcəsi və davamlı maliyyələşdirmə;
- Akkreditasiya və qeyri-dövlət aktorlar.

Qeyd edək ki, sessiya sentyabrın 15-də başa çatacaq.