Türk elm adamları Özləm Türeci və Uğur Şahinə məxsus Almaniyadakı "BioNTech" şirkəti COVID-19 peyvəndindən sonra dəri və bağırsaq xərçənginin müalicəsində mühüm yenilik əldə ediblər.
Aztibb.az www.medimagazin.com.tr-yə istinadən xəbər verir ki, bu haqda material "Journal Science Translational Medicine" elmi jurnalının son sayında dərc edilib.
Məqalədə qeyd olunur ki, hüceyrələr arasında genetik göstərişlər daşıyan mRNA kokteylinin siçanlar üzərində sınaqları nəticəsində qalın bağırsaq və dəri xərçənginin müalicəsində əhəmiyyətli irəliləyişlər əldə edilib. Belə ki, bu sahədə tədqiqat aparan "BioNTech" alimləri hüceyrələrdə xərçənglə mübarizə aparan dörd molekul istehsal etməyə imkan verən xüsusi bir mRNA kokteyli hazırlayıb. Bu kokteylin klinik sınaqları siçanlarda qalın bağırsaq və dəri xərçəngi şişlərinin məğlub edilməsi ilə nəticələnib.
