“COVID-19-un yeni variantları sürətlə yayılır, bu bəladan qurtulmağın yolu tam mərhələdə peyvənd olunmaqdır”.

Aztibb.az-ın xəbərinə görə, bunu Türkiyənin səhiyyə naziri Fəxrəddin Qoca yeni növ koronavirusa qarşı mübarizə tədbirləri çərçivəsində yaradılan Elmi Şuranın növbəti iclasdan sonrakı açıqlamasında bildirib.

Nazir deyib ki, İstanbulda koronavirusun yeni (B.1.621) “Mu” ştamına yoluxan 2 xəstə var. F.Qoca onların koronavirusa qarşı peyvənd olunmadıqlarını, hazırda nəzarətdə alındıqlarını və səhhətinin normal olduğunu deyib: “Mu” ştamında xəstələrin daha ağır vəziyyətdə olduğunu bilirik, amma bizim iki xəstəmizdə hazırda belə ağırlaşma halı yoxdur”.

Nazir hazırda COVID-19-un "Delta" ştamına Türkiyədə 90 faiz rast gəlindiyini də vurğulayıb.